ذكر الفنان عصام السقا، كواليس استعداده لتقديم شخصية «سمير»_ سائق الشاحنة المصري الناقل للمساعدات لداخل قطاع غزة _ في مسلسل «صحاب الأرض » الذي عُرض في الموسم الرمضاني الماضي 2026.
وقال خلال تصريحات على برنامج «واحد من الناس»، المذاع عبر قناة «الحياة»، مساء اليوم الأحد، إنه تأثر بإغلاق إسرائيل للمعبر من الجانب الفلسطيني، ومنعها لدخول المساعدات، وإقامة سائقي هذه الشاحنات لنحو شهرين على المعبر حتى فُتح.
وعلق على هذه الفترة، قائلًا:«ابتدينا نشوف بقى السواقين اللي كانوا قعدوا حوالي شهر ونص شهرين في العربيات بيناموا قاعدين واكلين شاربين مكانهم مبيروحوش بيوتهم»، مضيفًا:« كان الموضوع ملفت جدًا موضوع في إصرار منهم إن هما إحنا مش هنمشي غير لما ندخل».
وأوضح لقاءه ومعايشته لبعض سائقي هذه الشاحنات، قبل أداء شخصيته في مسلسل «صحاب الأرض»، قائلًا: «قعدت معاهم فترة طويلة وعملت معاهم معايشة شوية وقعدت أسمع منهم وأشوف إصرارهم وأشوف الطريقة اللي كانوا مصريين بيها إن هما لازم يدخلوا»، مضيفًا: «هما أبطال بصراحة.. بوجه لهم كل الشكر واحد واحد بصراحة».
وفي سياق متّصل، شدد السقا على تأثره بمشاهد الاعتداءات الإسرائيلية على قطاع غزة، قائلًا: «أي حد اتفرج وشفنا إحنا اللي شفناه على الشاشات أو على السوشيال ميديا من اللي كان بيحصل هناك اللي بيحصل فيهم موضوع يعني أعتقد يتخطى كل الإنسانيات».
وأكمل: «معتقدش إن فيه حد عنده فكر كدا أو حد المفروض إن هو إنسان يعني إزاي يعمل في ناس اللي حاصل وفي أطفال بالشكل دا»، مضيفًا: «كلنا لمسنا دا وكلنا تأثرنا.. وفي مصر تحديدًا».
ونوّه إلى تبني مصر للقضية الفلسطينية، معلقًا: «بناخد الموضوع على كرامتنا وعلى مشاعرنا وعلى الدين بتاعنا فبيبقى عندنا الحافز بس قوي شوية».