• عبد الحفيظ: أرقام الديون تخض هنسد العجز فى الموازنة ازاى؟ وتلات تربع اللي بنجمعه رايح لخدمة الديون
أعلن النائب محمد عبد الحفيظ، عضو مجلس النواب عن حزب الإصلاح والتنمية، رفضه لمشروع قانون الموازنة العامة للدولة للعام المالى 2026/2027.
وقال خلال كلمته بالجلسة العامة لمجلس النواب اليوم، برئاسة المستشار هشام بدوى رئيس المجلس، أنه ينظر إلى أرقام الموازنة كممثل للمواطن المصرى وناقلا لصوته بكل أمانة.
وأضاف، الحكومة تقدمت بموازنة نفقاتها 5.1 تريليون جنيه، وإيراداتها 4 تريليون، ما يعنى وجود فجوة واسعة وعجز واضح، متسائلا،: هنسد العجز ده ازاى؟ للأسف هيكون من خلال الاستدانة والضغط المستمر على المواطن.
وتابع،:" لست ضد الاستدانة ولكن ضد الاستدانة لو كانت بتبني مصانع أو بتزود إنتاج، ولكن الأرقام تخض؛ فوائد وأقساط الديون لوحدها تمثل 76% من إيرادات الدولة، يعني تلات تربع اللي بنجمعه رايح لخدمة الديون، والربع الباقي مطلوب منه يكفي صحة وتعليم وأجور واستثمارات.
وأضاف، : الموازنة دي مبنية على تفاؤل مش في محله؛ بتفترض تضخم 9.3% بدل 18%، في وقت البنك المركزي نفسه رفع مستهدفه لـ 16-17% في 2026
واختتم كلمته، قائلا،: عدالة أي نظام مش بكام بيجمعه، بل بياخده من مين وبيصرفه فين. الموازنة دي بتنقل الفلوس من جيوب الغلابة لصناديق الدائنين.
وتابع،: بناءً على الأرقام دي، وانحيازاً للمواطن اللي حملنا الأمانة، أعلن رفضي الكامل لمشروع الموازنة العامة للدولة.