كشفت السيدة أميرة محمد زوجة المهندس محمد راضي، أحد البحارة المصريين الثمانية المختطفين على متن السفينة "MT Eureka"، عن تطورات في قضية اختطافهم قبالة السواحل الصومالية، مؤكدة أن الوضع الإنساني للمخطوفين وصل إلى مرحلة حرجة للغاية.
وقالت أميرة محمد في تصريحاتها ببرنامج «اليوم هنا القاهرة»، على قناة «مودرن»: «آخر حاجة وصلت لها إن الفدية زادت لـ 10 مليون دولار، وإن الشركة منتظرة أن يتحدث إليها القراصنة الصوماليون».
و أوضحت: «أنا عرفت خبر الخطف من موقع فيسبوك، وبعدها بـ 4 أيام تقريبًا زوجي كلمني، القراصنة سمحوا له ياخد التليفون،و كلمني وقال إنهم مخطوفين".
وأشارت إلى أنها لم تتحدث للإعلام في البداية بناءً على وعود الشركة، وتابعت: «في البداية الشركة قالت إحنا هنحل، فعشان كدة أنا متكلمتش من البداية».
وعن آخر تواصل مع زوجها، قالت: «آخر حاجة توصلت ليها مع زوجي إنه كلمني دقيقة واحدة، وقال إن الوضع معاهم صعب جداً، وهو بيستغيث وعايز أي حد من الجهات المسؤولة يتدخل ويخلصوهم ويرجعوهم لينا».
وأكدت زوجة راضي أن هناك تواصلًا بين أسر المختطفين الثمانية قائلة: "إحنا كأهالي بنحاول نتكلم مع بعض، وبنحاول نوصل لأي حد يساعدنا".
وووجهت أميرة رسالة مناشدة قائلة: "محتاجين كل الجهات المسؤولة، محتاجين سيادة الرئيس يتدخل، محتاجين إنهم يرجعوا لنا بألف سلامة، إحنا مش طالبين أكتر من كدة، محتاجينهم يرجعوا".